འདི་རིང་ངི་ རྒྱུན་སྒྲོག
January 4, 2025; Saturday
ཇན་ཝ་རི་ཚེས་ 4, 2025; གཟའ་སྤེན་པ།
གསུང་མགུར་ 4། 1 སྔོན་རབས་ 5:23--6:30།
མཛད་པ་ 10:9-23།
།བདག་གི་རང་སེམས་ཁྱེད་ཀྱི་ཕྱག་ཏུ་འབུལ།
།བདེན་པའི་དཀོན་མཆོག་ཡྷ་ཝཱེས་བདག་ནི་སྐྱབས།
གསུང་མགུར་ 31:5།
དེས་ན་དགོས་པའི་དུས་སུ་སྐྱབས་དང་སྙིང་རྗེ་ཐོབ་པའི་ཕྱིར་ཐུགས་རྗེའི་བཞུགས་ཁྲིའི་དྲུང་དུ་བློ་གདེང་དང་ལྡན་པར་འགྲོ་བར་བྱའོ།
ཨིབ་རི་པ་ 4:16།
མོ་ར་ཝིའན་ ཆོས་ཚོགས་སི་ ཉི་མ་ རེ་རེའི་ རྒྱུན་སྒྲོག་གི་ སྐོར།
འཇིག་རྟེན་ གང་པོའི་ མ་ཤི་ཀ་པའི་ མོ་ར་ཝིའན་ ཆོས་ཚོགས་ཀུན་ནི་ནང་ང་ ཞག་ རེ་རེ་ཕིའ་ དཀོན་མཆོག་གི་ དམ་པའི་ གསུང་རབ་བི་ནང་ནས་ གསུང་ འདམས་མཁན་ཀུན་ སིལ་ཅེས་སི་ ཚུལ་ཞིག་ ཡོད་དེ་ཡིན་ནོག །འདི་ གསུང་ཀུན་ལ་ ཉིན་རེའི་ རྒྱུན་སྒྲོག་ (ཡིན་ཇིའི་སྐད་དི་ནང་ང་ Watchwords) ཟེར་ར་ནོག །མོ་ར་ཝིའན་ནི་ སྤུན་དང་སྤུན་མ་ ཚང་མའ་ འདི་ རྒྱུན་སྒྲོག་ བཀྲམ་ཅེས་སི་ ཚུལ་བོ་ སྤྱི་ལོ་ 1722 ནང་ང་ འགོ་འཛུག་ཏེ། སྤྱི་ལོ་ 1731 ནས་ ཕར་ལ་ ལོ་ གང་པོའི་ཕིའ་ རྒྱུན་སྒྲོག་བོ་ པར་ལ་ རྒྱབ་ཅེས་ འགོ་འཛུག་ཏེ། དག་ས་ ཚུག་པ་ དེ་ ཚུལ་བོ་ འགྲུལ་འིན་ ཡོངས་ཏེ་ ཡིན་ནོག
འདི་ རྒྱུན་སྒྲོག་བོ་ འཇིག་རྟེན་ནི་ སྐད་སྣ་ 50 སང་ མང་ང་ཀུན་ནི་ནང་ང་ སྒྱུར་ཏེ་ ཧ་ལམ་ དཔེ་ཆ་ ས་ཡ་ གཅིག་དང་ཕེད་ (15,00,000) ཐལ་ཞིག་ ལོ་ཞུང་ པར་ལ་ རྒྱབ་བ་ནོག
སྤྱི་ལོ་ 2023 ཕིའ་ རྒྱུན་སྒྲོག་བོ་ བོད་སྐད་ ཡང་ན་ ལ་དྭགས་ ཆོས་སྐད་དི་ནང་ང་ སྒྱུར་ཏེ་ ཡིན་ནོག །རྒྱུན་སྒྲོག་གི་ གསུང་ཀུན་ "ཡུ་ན་འི་ཏྲད་ བཱ་འི་བལ་ སོ་སའི་ཏྲིས་སིས་" 1948 དང་ 1968 ནང་ང་ པར་ལ་ རྒྱབས་མཁན་ནི་ དམ་པའི་གསུང་རབ་བི་ནང་ནས་ ནེན་ཏེ་ ཡིན་ནོག །སྤྱི་ལོ་ 2023 ཕིའ་ རྒྱུན་སྒྲོག་བོ་ འདི་ གནས་སའི་ཀ་ སིལ་ཐུབ་བ་ནོག་ ཡང་ ཕབ་ཐུབ་བ་ནོག
དཀོན་མཆོག་གི་ བྱིན་རླབས་ དང་ ཁོང་ངི་ ཕྱོགས་ནས་ སེམས་སྟོབས་ ཐོབ་བྱེས་སི་ཕིའ་ ཉེ་རང་ངིས་འང་ ཞག་ཏང་ རྒྱུན་སྒྲོག་བོ་ སིལ་ལ་མཛད་འཇུ།
ཐུགས་རྗེ་ཆེ།